Percaya 1000 %

Suatu pagi di sebuah teras rumah terjadi dialog suami istri,

Mpok Nunung : (sambil nangis.....) Abang bener udeh gak cinta lagi aye, bang.

Bang Malih : Masya Allah, nung ade ape sih  pagi-pagi matahari aje baru nongol, lo udeh nangis pake bilang abang gak cinta segala.

Mpok nunung : Abis kate atun anak kite abang mau ketemuan sama Bunda Putri.

Bang Malih : Masya Allah nung, udeh tua lo masih cemburu aje sama gue.

Mpok nunung : (Sambil marah) aye gak percaya 1000 persen ame abang.

Bang Malih : Eh nung asal lo tahu aje ye, Bunda Putri ntuh guru TPA anak kite si Atun.

Mpok nunung : terus ngapain abang mau ketemu ame die.

Bang Malih : kapan si Atun udeh khatam Iqro jilid 6, jadi abang mau ngucapin terima kasih ame die, si atun sekarang bisa ngaji, ngajinye udeh lancar sekarang.

Mpok nunung : Oh begitu bang....(Sambil nyinger kuda karena malu).

Bang Malih : (sambil nyubit mesra) terus sekarang nyun nyun percaya dong sama abang 1000 persen.

Mpok Nunung : ah si Abang bisa aje.....

By: SahabatBaik.